مراجعة شاملة عن اهم مصطلحات السات – سيرفرات الشيرنج و IPTV
مصطلحات السات كثيرة وغريبة وعجيبة فى نفس الوقت , فنسمع احياناً عن
كلمة شيرنج و كلمة IPTV وايضا عن ماهو افضل سيرفر للشيرنج او افضل رسيفر
للشراء وماهى تجاربكم مع نوع معين من الرسيفرات .
اسئلة كثيرة للغاية تتواجد ولكن الاهم من كل هذا انك تكون ملم بمصطلحات السات
ومعانيها الكثيرة القيمة جدا . فتابع هذا المقال …
ماهى أهم مصطلحات السات
سيرفر IPTV سيرفر شيرنج ومنها سيرفرات CCCAM سيسكام و ماجيكام MGCAM وسيرفر الفان كام وسيرفر الفوريفر والجى شير والجى شير بلص
وسيرفر الناشير والناشير برو وهذه ابرز مسميات سيرفرات الشيرنج .
1 – ماهو سيرفر IPTV
هو بيانات بتحطها ع الرسيفر عشان تفتح القنوات المشفرة ( إللى تقدر تفتحها بالنت )
يعنى عشان تقول سيرفر لازم تقول انترنت
أنواع السيرفرات كتيييير ، منها سيرفرات بتحتاج نت قوى و ثابت و بتسحب كتير من باقتك و هو ده ال Iptv .
و منها سيرفرات بتحتاج نت بسيط { الشيرنج } و بتسحب قليل جدا من باقتك ، ممكن 200 ميجا أو أقل فى الشهر
\ Iptv
ابرز المميزات الخاصة بسيرفر IPTV
بيفتح البى إن العربية ، فبتقدر تضمن المشاهدة على بطولات أفريقيا ( أصعب حاجة فى مشاهدتها بالنسبة لأصحاب الأطباق الصغيرة الأقل من 180 سم ) .
بيتيح لك مشاهدة قنوات تانية مابتكونش فاتحة بالسيرفرات العادية ( حسب ما صاحب السيرفر يقول أو حسب الملف بتختلف القنوات المتاحة ) .
مش بيحتاج طبق ، عشان مالوش علاقة بالإشارة ، بيعتمد أولا و أخيرا ع النت و قوته و ثباته .
ممكن تحطه على الشاشات إللى بتدعمه ( الشاشات ال سمارت ) .
ابرز العيوب الخاصة بسيرفر IPTV
معظم السيرفرات إللى مk النوع ده إللى بتيجى ع الأجهزة ( مجانية ) بتبقى تعبانة و بتقطع حتى مع النت القوى .
الإعتماد الكامل على قوة النت و ثباته ، يعنى لو النت ضعيف بس حاجة بسيطة بتفقد متعة المشاهدة المتواصلة .
بيختلف قوته حسب الرسيفر
طبعا بيخلص النت كباقة تحميل طبعا ، خصوصا مع الجودة النضيفة للقناة( كل ما جودة القنوات تكون أعلى يسحب نت أكبر ) ، ممكن مثلا يسحب جيجا فى الماتش الواحد ( رقم تقريبى ) .
آخر حاجة فى حوار ال Iptv ، إن فيه خاصية إسمها { IP TO SAT }، مشتقة من ال Iptv ، بتمكنك من مشاهدة القنوات من غير ما تدخل قايمة ال Iptv ، يعنى بتقلب من قايمة القمر نفسه و ممكن تبقى ثابتة أكتر و بتسحب نت أقل من ال Iptv حاجة بسيطة( إكتشف بنفسك ) ،،،،،
و كمان حضرتك دعبس فى الرسيفر بتاعك عليها، عشان أنواع الرسيفرات كتيييير و يبقى كداب إللى يقول لك إنه يعرف كل رسيفر عليه الخاصية دى ولا ،،،
والخاصية دى بتخش جوه المنيو بتاع جهازك و تبدأ تبحث هى موجودة فين ( بيختلف مكانها و مصطلحها من رسيفر للتانى فحضرتك إبحث بنفسك ف جهازك ) .
السيرفرات إللى بتحتاج نت بسيط { الشيرنج }
ماهو الشيرنج
هو نظام مشاركة البث مابين اكثر من شخص ولكن لا يحتاج الى انترنت بشكل كبير وله انواع كثيرة وهى :-
1- السيسكام Cccam
و ده ( بنسبة كبيرة ) أى رسيفر ينفع يتوصل له نت بيدعمه
2- ال إم جى كام Mgcam
زى السيسكام بالظبط بس فى رسيفرات بيبقى السيسكام معاها ثابت أكتر و فى رسيفرات بيبقى ال إم جى كام بيبقى معاها ثابت أكتر ( حضرتك إكتشف بنفسك ، حط البيانات و جرب ) فى خانة ثابتة فى بيانات ال إم جى كام مكتوب فيها Des key بتكتب فيها
0102030405060708091011121314
3- الفوريفر Forever
سيرفر بييجى على رسيفرات معينة و بيبقى إصدارات ، يعنى ممكن فوريفر يبقى فاتح على جهازك قناة و فوريفر على جهاز جارك مش فاتحها ، فالسيرفر بيختلف من رسيفر للتانى( لو عايز تعرف قبل ما تشترى إيه القنوات إللى ممكن الفوريفر إللى ع الجهاز الفلانى يفتحها إسأل حد معاه الجهاز )
سيرفر الفوريفر ماينفعش تضيفه لرسيفر لا يدعمه من الأساس ، يعنى مايبقاش رسيفر مش بيدعم السيرفر و تسأل أنا ممكن أحط عليه فوريفر
السيرفر بيبقى مدة و بعد ما يخلص بتجدد .
ماهى أهم الرسيفرات الداعمة لسيرفر الفوريفر
ستار سات 90000
ستار سات 2000
ستار سات T14
كيوماكس H8
4- الفان كام Funcam
زى الفوريفر ولكن يعم على الاجهزة الاضعف من اجهزة الفوريفر تقريبا .
أهم رسيفرات الفان كام
ستار سات 4080
سالك H1
5- أوركا ORCA
سيرفر مجانى مدى الحياة ولكن حصرى فقط على بعض الايكون مثل ايكون ايرون برو
أهم رسيفرات ال أوركا
ايكون
6- الناشير Nashare
مثل سيرفر الفان كام ولكن غير ثابت اطلاقاً فى معظم الأوقات
ماهى أهم رسيفرات الناشير
رسيفر سيناتور 999 بلوتوث و رسيفر سينتاور 9900 ماكس
مميزات سيرفرات الشيرنج
- مابتحتاجش سرعة تحميل عالية . للدرجة( يادوب 512 ممكن تشغلها ) .
- بتفتح قنوات كتيييير ( حسب السيرفر ) .
- التكلفة بسيطة .
- الطريقة بسيطة ( ممكن تاخد نت للرسيفر من موبايلك عن طريق إنك بتعرف شبكة الموبايل على الرسيفر ) .
عيوب سيرفرات الشيرنج
- أكبر عيب هو إنك مابتقدرش تتفرج على مباريات أفريقيا( خصوصا مباريات الأندية ) غير على أطباق كبيرة من 180 سم مثلا .
- المجانى الكلمة بتتقال على القنوات المفتوحة من غير نت أو القنوات إللى بتفتح بشفرات سهلة زى شفرة البيس مثلا فبتبقى أقرب للمجانى زى قنوات فارزتش و فوتبول ع الياه مثلا ، الشفرات دى بتبقى أرقام بتدخلها على جهازك .
ماهى الأنتينا
هى فلاشة بتحطها ع الرسيفر تلقط واى فاى عشان تربط الرسيفر بالنت .
ماهو الفيد
دى بتبقى قنوات مؤقتة بتظهر وقت الماتشات ، بتبقى ناقلة من قنوات تانية ، و العيوب محتاجة أطباق كبيرة من 180 سم مثلا المميزات
هى أضمن وسيلة فى عالم السات بعد البى إن العربية فى مشاهدة مباريات إفريقيا ( خصوصا مباريات الأندية ) ،
بتبقى أوقات كتير صورتها أنضف من القنوات إللى بتنقل منها .
ماهو الدايزك
مشترك عشان تجمع عليه كذا قمر ينزلوا للرسيفر بسلك واحد
فى مصر فيه منه نوعين
الدايزك ال 4 مخارج ، بيشيل لحد 4 أقمار
زى الترومان و الفيجا .
الدايزك ال 8 مخارج ، بيشيل لحد 8 أقمار
زى ستار تراك و فيجا .
ماهى العدسة
ومن مصطلحات السات هى القطعة إللى بتلقط بيها الإشارة و بتتحط ع الطبق ( عشان تنزل قمر لكذا رسيفر لازم يبقى عدد مخارج العدسة بعدد الرسيفرات إللى هتنزل لها القمر ، يعنى هتنزل قمر ل 3 رسيفرات ، تبقى العدسة ب 3 مخارج وهكذا ) .
ماهى الفلانشة
ومن ضمن مصطلحات السات هى القطعة إللى بيتحط جواها العدسة و يتقفل عليها كويس عشان الإشارة تبقى ثابتة .
ماهى المسطرة
ومن مصطلحات السات هى الحديدة إللى بيتحط عليها العدسة جوه فلانشة .
ماهو إف كونكتور
هى الصامولة إللى بتقفل على سلك الدش عشان تحط السلك فى العدسة أو الدايزك أو التيونر بتاع الرسيفر .
ماهو التيونر
هو مستقبل الإشارة ، يعنى المكان إللى فى الرسيفر من الخلف إللى بتركب فيه سلك الدش أو بالأصح ال إفّ كونكتور .
هوامش
النهاية
حاول ان تقرأ المقال جيداً حتى تكون ملم بكافة المفاهيم الخاصة بمصطلحات السات بالكامل .
