رسيفر ايكون ايرون برو سعر ومواصفات Icon Iron Pro

ايكون ايرون برو
شارك هذه المقالة مع أصدقائك!

رسيفر ايكون ايرون برو سعر ومواصفات Icon Iron Pro

ايكون ايرون برو هو احد الاجهزة الطفرة التى ظهرت فى مصر والدول العربية

وبالأخص فى دول شمال افريقيا الجزائر والمغرب وتونس .

ويتمتع رسيفر ايكون ايرون برو بالعديد والعديد من المميزات العملاقة والتى

تساهم بشكل كبير فى انتشاره ونجاحه نجاحاً ساحقاً وسنتعرف عليها .

مواصفات رسيفر ايكون ايرون برو

  •  الجهاز من تصميم الشركة الكورية العملاقة FORMULER
  • معالج القوي رباعي النواة نسخة 3798 Hi silicon
  • يعمل بنظام مطور من شركة FORMULER وهو يجمع بين نظامي LINUX و ANDROID بنسخته 7.0 المسماة Nougat
  • يدعم نظام اندرويد 7.0
  • الرام 2 جيجا DDR4 – الذاكرة 8 جيجا
  • يدعم تشغيل قنوات 4K
  • يدعم 5G على رواترات الانترنت الحديثة
  • يدعم مدخلين يو اس بي ( USB 3.0 )
  • يدعم سيرفر شيرنج مميز ORCA لمدة غير محدودة
  • يدعم سيرفر GOGO IPTv لمدة سنتين
  • يدعم تايم شفت ( تعليق عربي )
  • يدعم خاصية الترجمة قنوات أفلام اجنبية إلى العربية
  • دعم نظام بث القنوات ملتيستريم Multi-stream
  • يدعم مدخل ذاكرة Micro SD Memory
  • يدعم دقة 4k حقيقية بالإضافة الى دقة HDR 10 و HLG
  • يدعم تقنية H.265 المسماة HEVC
  • يتميز بعرض قناتين في نفس الوقت بشرط ان يكونا على نفس التردد
  • امكانية تنزيل جميع تطبيقات من المتجر google play
  • يتميز ايضا بأمكانية تشغيل العاب 3D
  • يدعم تشغيل you tube بجودة 4k
  • يحتوي على ميزه Mira cast (عرض الموبايل على التلفاز عن طريق الجهاز )
  • مزود بواي فاي داخلي + مدخل إيثرنت

اقرأ ايضا : – مواصفات رسيفر سيناتور 9900 ماكس

مميزات وانطباعات حول رسيفر ايكون ايرون برو

  • الجهاز كخامات الجهاز الخارجية جيده جدا , تقفيل الجهاز جيد حجمه صغير اوي وجميل اماكن الUSB جيده خصوصا الجانبيه
  • Motherboard مش هقدر اعرف عامله ازاي من جوه بس اغلب الناس اللي بتفهم ف الهاردوير شكرت ف اللوحه الأم للجهاز
  • الريموت خاماته ممتازه… استقبال الإشاره جيد جداً جداً ف اي اتجاه… بيحصل تداخل بين ريموت الTV Sound Bar و الجهاز توزيع زراير الريموت مش جيد اوي… كان ممكن يبقي موزعه بسهوله اكبر للمستخدم.
  • ملقتش زرار الAudio علشان اغير منه القنوات الصوتيه و بالصدفه البحته عرفت انه الاصفر ف مش فاهم ليه مش مكتوب عليه علي الرغم من القنوات الصوتية جزء كبير اصلاً من سبب شراء الجهاز عند ناس كتير..
  • معرفتش اخلي الريموت يطفي و يشغل التلفزيون علي الرغم من اني حاولت اظبطه اكتر من مره..
  • ملمس الزراير نفسها لسه مش متعود عليه اوي بس الزراير اللي جنب بعضها صعب شويه تفرقها عن بعض…
  • الزارير بتاعت الـ٤ اتجاهات ملعونه رخمه جدا ف التحكم و تبقي عايز تدوس عليها بضوافرك علشان الدوسه تبقي مظبوطه.
  • السوفت وير كون انه اندرويد ف ده بيدي الفريق قدره كبيره علي تشكيل السوفت وير زي ما هم عايزين و اعتقد ان السوفت وير ممكن يطلع منه شغل اكتر من كده.
  • تصميم الايقونات و القوائم جيد برضه و معمول بشياكة و تقريبا كل حاجة ف مكانها مفيش اوبشن مثلاً محطوط ف مكان غريب مش بتاعه محتاج بس شويه دلع من الناحيه الجماليه او تغيير الالوان لكن لو هتأثر علي استقرار الجهاز ف بلاش منها احسن.
  • التعامل مع الجهاز مش بالصعوبه اوي التعامل سهل و سلس.. يمكن الاوبشن المخفي بدوسه طويله علي الزراير من الريموت كتير ف محتاج تعود و كتر استخدام مشكلة اللانشر ممكن تظهر مره ف اليوم مثلاً بس لما اكون عمال اديله اوامر كتير و بسرعه و مش كل مره بيعمل كده لكن لو بتعامل براحه و بستني عليه لحظه قبل الأمر التاني مفيش مشكلة خالص.
  • طبعا ف بعض الاوقات في تأخير ف الأوامر او تعليق بسيط لكنه في حدود المعقول من وجهه نظري يعني مش لدرجة تخليك تكره استخدام الجهاز لكن اعتقد محتاج شويه تظبيط ف السوفت وير
  • gogo IPTV مجربتوش كتير او أثناء مباراه للحكم عليه لكن من الكام مره اللي جربته فيهم شغال كويس جداً و الجوده كافيه جداً انك تتفرج على المباراه بشكل عادي و طبيعي.
  • سيرفر الأوركا علي الباقه الحمراء مفيش مشكلة و الدنيا شغاله بشكل سلس و طبيعي و مفيش مشاكل… بقعد اتفرج بالساعات مفيش مشكلة او تقطيع و طبعا كنصيحة الجميع حطيت عليه سيرفرات MgCam مدفوعه ف الـXCamClient بتاع الجهاز نفسه
  • لسه مجربتوش فتره طويله للحكم عليه لكن مثلاً قنوات اموس الـ4K كانت شغاله طبيعي لكن متوقفه بقالها يومين… سوبر سبورت يوتلسات 16 كانت شغاله برضه و متوقفه بقالها يومين و الباقه دي مهمه جداً الحقيقه اتمني انها تشتغل تاني علي طول ف شكله كده فيه عدم استقرار شويه و اتمني انه الباقات الكبيره الاساسيه تبقي ثابته و مستقره. كوزموت شغاله كويس… بي ان فرنسا شغاله كويس… الاوروبي مش فارق لانه شغال شيرنج عادي بسلاسه…
  • التيونر عادي مش مميز او يمكن علشان كده كده انا تركيبه شيرنج علي طبق متر ف مش حاسس بأختلاف… التعامل مع الدايزك ال٨ مخرج طبيعي و عادي جداً و الاشارات كويسه و القنوات مفيش فرق بينها و بين الستارسات اللي كنت شغال بيه الأول
  • جوده الصوره طبعا الجهاز بيدعم 4K و خرج الصوره منه 3840*2160 /60Hz ف اي كلام بقه عن 4K كامل و ناقص و 2K و الكلام ده ف كلام ناس جهله… موصله علي كابل HDMI 2.0 من Amazon Basics مش الكابل بتاعه.. دقه الواجهه نفسها علي 1080p و الأيقونات و الخطوط واضحة في فرق ف جوده الصوره عن جهاز ستارسات T30 اللي كان معايا قبله بس مش الفرق الرهيب اوي اوي يعني لكن طبعا قنوات ال4K كواليتي الصوره فيها ممتاز الحقيقة فعلا مرضيه للعين جداً جداً. الكلام ده علي شاشه سامسونج 4K موديل MU7000.
  • مشاهده قناتين ف وقت واحد ممتازه لكن مش بعرف احدد انهي قناه اللي رئيسيه علشان يبقي صوتها اللي شغال و حاسس ان التعامل معاها صعب شويه مش سلس لانه بيروح ينقي القناه التانيه علي مزاجه ولازم تدوس تاني علشان تقدر تختار قناه تانيه من نفس التردد او يمكن انا مش متعود لسه
  • تمييز القنوات المكسوره الشفره سواء بتغيير لونها او وضع علامه مميزه او اي شئ آخر عدم توافره في رأيي هو لمجرد العند مع اجهزه الجوسات و لتجنب شبهه التقليد و برمجيا اعتقد ان الكود ممكن يكون من سطرين مثلاً لتفعيل هذه الخاصيه و ياريت يتم تفعيل اي شئ مشابهه لتحسين تجربه المشاهده.

سعر رسيفر ايكون ايرون برو Icone Iron Pro

يتراوح سعر ايكون ايرون برو داخل مصر حوالى 3300 جنيهاً مصرياً

سعر رسيفر ايكون ايرون برو Icone Iron Pro عالميا

يتراوح سعر ايكون ايرون برو فى العالم حوالى 150 دولار .

ملف قنوات محدث لرسيفر ايكون ايرون برو

الملف محدث بتاريخ اللحظة فقط قم بتحميله واستمتع بأفضل ملف قنوات متحرك لكافة الأقمار الموجودة وللتحميل انقر هنا icone iron pro

‫0 تعليق

اترك تعليقاً